Maji yasiyo na chumvi ni muhimu sana kwa kusitiri maisha na kukuza mimea. Binadamu hutumia viwango vikubwa vya maji kwa namna zilizo na zisizo za moja kwa moja. Kumbuka kwamba ni asilimia 2.5 ya maji yote ulimwenguni yasiyo na chumvi! Aidha, asilimia 2 ya kiwango hicho imo katika mito ya barafu. Hivyo basi, tuna kiasi kidogo cha maji yasiyo na chumvi tunayoweza kutumia. Kwa sababu ya mabadiliko ya hali ya anga na ongezeko la idadi ya watu, kuna wakati utakaofika ambapo tutalazimika kuchagua kati ya matumizi mbalimbali ya maji? Kwa mfano, kati ya maji ya kunywa au ya kilimo?

Matumizi Ya Maji Kwa Shughuli za Moja kwa Moja za Binadamu

Ufikivu wa maji safi na mifumo ya kutupa maji na taka ni haki muhimu ya binadamu. Ili kuhakikisha kwamba ukosefu wa rasilimali hauathiri hali ya afya, tunahitaji kati ya galoni 13 hadi 26 za maji kila siku, huku kiasi cha chini zaidi kikiwa galoni 5. Sasa hivi, watu bilioni 1.1 hawana ufikivu uliohakikishwa wa kiasi hiki cha chini zaidi. Wanaishi kwa kutumia galoni 1 tu kwa siku.

Katika mataifa yaliyoendelea, matumizi ya maji hutegemea hali ya maisha na mazoea ya raia wayo. Zoezi la kusisimua unaloweza kufanya ni kukokotoa kiasi cha maji unachotumia kwa siku. Ili kukupa dokezo, utapata orodha ya shughuli pamoja na matumizi yazo ya wastani ya maji.

water-consumption-uses

Kwa kiasi cha wastani, mkazi mmoja hutumia galoni 40 za maji kila siku. Katika miaka 30 ijayo, idadi ya watu ulimwenguni huenda ikarudufika, na ongezeko hilo litahitaji rasilimali zaidi. Hii itasababisha mahitaji ya maji ya kunywa kuongezeka kwa kiwango kikubwa.

Kwa upande mwingine, tutakuwa tayari tumemaliza maji katika rasilimali asili nyingi, kama vile maji yaliyoshikiliwa na mawe chini ya ardhi. Kando na hilo, kuongezeka kwa halijoto pia kunapunguza rasilimali maji.

Maji yasiyo na chumvi ni asilimia 2.5 tu ya maji ya dunia, na asilimia 2 hutoka kwa mito ya barafu

Kisaidizi Bandiacha Qatium

Matumizi ya Maji Kwa Shughuli za Kilimo

Tayari tunafahamu jinsi tunatumia maji kwa namna za moja kwa moja. Sasa tuangazie namna zisizo za moja kwa moja. Ili kukuza chakula kinachohitajika ili kusitiri maisha, tunahitaji viwango vikubwa vya maji. Kama Shirika la Chakula na Kilimo (FAO) la Umoja wa Mataifa linavyoashiria, inachukua takriban galoni 1,300 za maji ili kukuza chakula cha kuliwa na mtu mmoja kwa siku. Hii ni sawa na bwawa la kuogelea la Olimpiki lililojaa maji, ili kulisha watu 500 katika siku moja.

water-consumption-agriculture-rice

Wakulima Wakipanda Mpunga Karibu na Yogyakarta (Indonesia)

Ili kusuluhisha hali hii tata, baadhi ya masuluhisho ni kama kutumia mbinu za kisasa za kumwagilia mimea maji, kutumia vyanzo vya maji visivyo vya kawaida kama vile maji yaliyoondolewa chumvi au kutumia mifumo ya kuhamisha maji. Lakini hatua hizi zina athari kubwa za kimazingira, kijamii na kiuchumi, hivyo basi hakuna suluhisho rahisi la tatizo changamano la maji.

Katika nchi zingine zilizo kwenye Umoja wa Ulaya, kiwango cha maji kinachotumika katika kilimo hufikia asilimia 80. Nchi nyingi kati yazo tayari zinashuhudia matatizo ya uhaba wa maji. Hivyo basi tatizo la maji litaathiri sekta zote hivi karibuni.

Matumizi ya Maji ya Busara

Ukosefu wa maji yanayohitajika ili kukuza chakula katika sehemu zingine husababisha kusitishwa kwa shughuli za kilimo. Kwa sababu hii, watu wengi wanahamishwa kutokana na mabadiliko ya hali ya anga. Sasa hivi, hali hii unaathiri maeneo yenye umaskini mwingi, lakini hatimaye itaathiri dunia nzima.

Ili kuzuia kuibuka kwa hali sasa hivi na katika siku zijazo ambapo tutalazimika kuchagua kati ya kunywa maji au kuyatumia kukuza chakula, tunahitaji kuyatumia kwa uangalifu. Uhaba wa maji ni tatizo la kila mtu.