Mfumo wa kidijitali wa usimamizi wa maji ulio rahisi, bila malipo na unaoweza kufanyiwa mabadiliko

Simamia mfumo wako wa maji, mfumo wa kutupa maji taka, mita za kidijitali na mengine zaidi

Header pressure and unit headlost US
Header sidebar US

Ungependa kuwa wa kwanza kutumia Qatium?

Tuma ombi la kupata mfumo mapema

SUCCESS_MESSAGE

ERROR_MESSAGE

Fahamu nguzo za mfumo wetu

Piga jeki mabadiliko ya kidijitali ya kampuni lako bila kujali kiwango chako cha ujuzi au data

Ni rahisi

Ni programu yenye akili bandia iliyo rahisi kwa mtumiaji

Kisaidizi chetu ni kiwezeshi kinachotumika kote ulimwenguni kinachokupa mwongozo katika mchakato mzima wa usimamizi wa maji. Utaweza kufanya maamuzi bora zaidi kwa ajili ya mfumo wako bila kujali ujuzi ulio nao. Mfumo wetu hujifunza kutoka kwa mifumo yote ya maji, hivyo basi kuboresha mfumo wako, na pia unaweza kusoma fomati za GIS, kwa kuwezeshwa na akili ya mashine.

Mfumo usiolipiwa
Usaidizi kwa mtumiaji

Haulipiwi

Hakuna vizingiti wala mipaka

Qatium ni teknolojia mpya ya mfumo wa usimamizi wa maji. Unaweza kuipata moja kwa moja kwenye kivinjari chako na huhitajiki kusakinisha programu zilizo gumu kutumia, zinazoingilia faragha yako au za bei ghali. Mfumo huu hukupa habari unazohitaji ili kutumia rasilimali zako kikamilifu na kupata manufaa mengi zaidi kutoka kwa mfumo wako wa maji bila mali malipo, hivyo basi kuufanya thabiti zaidi, huku ukitumia nguvu kidogo ya nishati na haidroliki.

Ni mfumo wazi

Jamii inayoshirikiana na kuhusisha wote

Mfumo wetu umeimarishwa na ujuzi katika nyanja mbalimbali na mazingira ya wataalamu kama vile wabunifu, wataalamu wa haidroliki na washika dau wengine muhimu – huku wote wakishirikiana kufanya ubunifu kwa pamoja ili kusuluhisha tatizo la usimamizi wa maji na kuongoza katika mabadiliko ya kidijitali kwenye sekta ya haidroliki. Umekaribisha kushirikiana nasi!

Mfumo wa ikolojia wenye spishi anuwai

Faida na manufaa ya ziada

Mwamko mpya wa kidijitali

Mwamko mpya wa kidijitali

Geuza mfumo wako mkuukuu wa maji kuwa mpya na wa kisasa kwa njia rahisi

Uthabiti

Uthabiti / Usuluhishaji wa matatizo

Kuwa tayari kwa matatizo yanayoweza kuibuka kutokana na kisaidizi chetu

Utumizi mzuri wa nishati na nguvu ya haidroliki

Utumizi mzuri wa nishati na nguvu ya haidroliki

Pata manufaa kamili kutoka kwa rasilimali zako ili kupata mfumo wa maji wenye gharama ndogo

Mfumo wa moja kwa moja

Qatium ni mfumo wa moja kwa moja ambao unaendelea kukua. Tunaanza siku ya leo kwa kukusaidia katika mfumo wako wa maji, lakini hilo sio jambo la pekee tunaloweza kukusaidia nalo! Mwezi baada ya mwingine, tutakuwa tunatoa masalio ya teknolojia yetu, hivyo basi usiachwe nyuma!

Toa mchango wako katika kuboresha mustakabali wa ulimwengu kwa kupiga kura na kutoa maoni yako kuhusu malengo yetu.

Yanayokuja karibuni

Baadhi ya wabunifu wengi tunaoshirikiana nao

Hassan Aboelnga
Naibu Mwenyekiti wa Baraza la Maji la Mashariki ya Kati na Mtafiti

Hassan Aboelnga

Alizaliwa na kulelewa nchini Misri, kwenye Mashariki ya Kati - ambayo ndiyo sehemu yenye uhaba wa maji zaidi ulimwenguni - kwa kushuhudia moja kwa moja umuhimu wa kudumisha usalama wa maji na uthabiti wa hali ya hewa katika hali za kuogofya, Hassan aliamua kujitosa katika kazi ya kusuluhisha matatizo ya usalama wa maji na maendeleo dumishi. Alisomea uhandisi wa ujenzi na usimamizi wa rasilimali maji katika vyuo vikuu mbalimbali vya Misri, Yordani na Ujerumani.

Hassan ni mtaalamu tajika wa masuala ibuka ya usimamizi wa rasilimali maji, aliyebobea katika masuala ya usalama wa maji mijini. Ni mtafiti wa daraja la uzamivu katika Chuo Kikuu cha Ufundi cha Cologne (TH-Köln) wa masuala ya usimamizi wa rasilimali maji zilizounganishwa na usalama wa maji mijini. Yeye pia ndiye Naibu Rais wa Baraza la Maji la Mashariki ya Kati (MEWF) na mwanachama hai katika makundi mengi ya kimataifa ya masuala ya maji na hali ya anga.

Mkurugenzi wa Sera ya Maji ya Miji katika Taasisi ya Stanford Woods ya Mazingira

Newsha Ajami

Newsha ni mtaalamu tajika wa usimamizi wa rasilimali maji dumishi, miji janja, na duru ya maji, kawi na chakula. Yeye hutumia kanuni za sayansi ya data ili kutafiti vipengele vya binadamu na sera vinavyoathiri mifumo ya kihaidrolojia na ya maji ya miji. Tafiti ambazo ameendesha kwa miaka mingi zimeangazia nyanja mbalimbali huku zikitazamia kuleta mabadiliko. Katika miaka mingi iliyopita, ameshikilia nyadhifa mbalimbali za uhadhiri, ushauri na za kubuni sera za umma, na hivi sasa ni mwanachama katika baadhi ya bodi za mashirika yasiyo ya faida. Dkt. Ajami alipata shahada ya uzamivu katika Uhandisi Majengo na Mazingira kutoka Chuo Kikuu cha California, jijini Irvine.
Quique Cabrera
Naibu wa Rais wa Shirika la Kimataifa la Maji Mhadhiri katika chuo kikuu cha Universitat Politècnica de València

Enrique Cabrera

Enrique ana tajiriba ya zaidi ya miaka 20 katika fani ya haidroliki na usimamizi wa maji katika miji. Kando na kutoa mihadhara na kazi ya utafiti, Profesa Cabrera ana tajiriba nyingi kama mshauri na mwelekezi katika miradi ya kimataifa. Ni mtaalamu wa mada za tathmini za utendakazi, na kulinganisha na viwango sanifu, usimamizi wa huduma za maji, usimamizi wa miundo msingi, maji na nishati na mifumo ya kidijitali ya maji.
Pilar Conejos
Mkuu wa Usimamizi wa Mfumo wa Maji wa Global Omnium

Pilar Conejos

Ana shahada ya uzamivu katika Uhandisi wa Viwanda na tajiriba ya zaidi ya miaka 20 katika faini ya Uhandisi wa Haidroliki na Usimamizi wa Maji. Pilar ni Profesa Msaidizi wa Muda Maalumu katika Idara ya Uhandisi wa Haidroliki kwenye chuo kikuu cha Universitat Politècnica de València. Pia Pilar ameshirikiana na waandishi wengine katika uandishi wa makala na hati nyingi mikutanoni kuhusu taswira za kidijitali za mifumo na usimamizi madhubuti wa mifumo ya kusambaza maji.
Tom Freyberg
Mwanzilishi na Mkurugenzi wa Atlantean Media

Tom Freyberg

Mwanzilishi na Mkurugenzi wa Atlantean Media Tom Freyberg Tom ni mwanahabari wa mazingira mwenye tajiriba kuu na mbunifu wa habari aliyebobea katika masuala ya maji. Katika msimu wa joto wa 2018, alizindua Atlantean Media, ambalo ni kampuni la kimataifa la kidijitali la kubuni habari ambalo huhudumia viwanda vya uhandisi wa mazingira, hasa vya maji. Kubuniwa kwa kampuni hilo kulichangiwa na haja ya kufanya habari za uhandisi kusisimua kwa simulizi bunifu na zinazovutia. Baada ya kuhitimu kutoka Chuo Kikuu cha Exeter na Shahada ya Sanaa (daraja la juu) katika Kiingereza, alikamilisha mafunzo yake ya uanahabari katika shirika la PMA jijini London.
General Manager at The Metropolitan Water District of Southern California

Jeffrey Kightlinger

Since 2006, Jeffrey Kightlinger is general manager for The Metropolitan Water District of Southern California. Metropolitan is the largest municipal water provider in the US delivering an average of over 2 billion gallons of water a day to 19 million customers across Southern California.

Among other activities, he is a Governor’s appointee to California’s Bay Delta Vision Blue Ribbon Stakeholders Committee, a Board member on the California Climate Action Registry and a member of the UCLA Continuing Education Sustainability Advisory Board.

David Kilkullen
Rais na Ofisa Mtendaji Mkuu wa Cordillera Applications Group, Inc.

David Kilcullen

David hutoa ushauri kwa taasisi za kimataifa, serikali, biashara, mashirika yasiyo ya kiserikali na jamii za kieneo kote ulimwenguni. Jarida la Foreign Policy lilimtaja kama mmoja wa Wanazuoni 100 Bora Zaidi Ulimwenguni katika mwaka wa 2009.

Ni mwandishi wa kitabu kilichouzwa sana; mtafiti mkuu katika fani ya vita vya uasi na vya misituni, na pia ni mwanajeshi mtaalamu aliyestaafu na mwanadiplomasia. Anatoa ushauri kwa taasisi za kimataifa, serikali, biashara, mashirika yasiyo ya kiserikali na jamii za kieneo kote ulimwenguni, huku pia akishughulikia changamoto changamano za masuala ya ubinadamu na usalama barani Afrika, Mashariki ya Kati, Amerika ya Kusini na Asia.

William Sarni
Mwanzilishi na Ofisa Mtendaji Mkuu wa Water Foundry

William Sarni

Amali yake yote, William amekuwa mshauri wa mashirika binafsi na ya umma, pamoja na mashirika yasiyo ya kiserikali kuhusu mikakati ya kuboresha usimamizi wa maji.

Ni mwanazuoni tajika wa masuala ya mikakati ya maji na ubunifu anayetambulika kote ulimwenguni. Ameandika vitabu na makala mengi na kuwasilisha mada za: thamani ya maji, ubunifu katika teknolojia ya kidijitali ya maji, uchumi duara, na uhusiano wa nishati, maji na chakula.

Dragan Savic
Ofisa Mtendaji Mkuu wa Taasisi ya Utafiti wa Maji ya KWR. Profesa wa Utatuzi wa Masuala ya Maji Kupitia Teknolojia Habari kwenye Chuo Kikuu cha Exeter

Dragan Savic

Dragan alishikila nyadhifa mbalimbali za uhadhiri, ushauri na usimamizi wa miradi nchini Canada na nchi yake ya asili ya Serbia, kabla ya kuhamia Uingereza.

Amebobea katika utafiti unaoangazia taaluma anuwai ya utatuzi wa masuala ya maji kupitia teknolojia habari, ambao unavuka desturi za kawaida za sayansi za maji/mazingira, sayansi ya habari/sayansi ya kompyuta (ikijumuisha Akili Bandia, uchimbaji wa data na mbinu za kuhakikisha matumizi kamilifu) na uhandisi wa mazingira.

Elisa Stefan
Mhandisi wa Mazingira na Mtafiti. Mtaalamu wa Usimamizi wa Rasilimali Maji

Elisa Stefan

Elisa ana shahada ya uzamili katika Uhandisi wa Rasilimali Maji na Mazingira kutoka Chuo Kikuu cha Shirikisho la Paraná (UFPR) na wakati wa kuhitimu kozi ya Uhandisi wa Mazingira alisomea kwenye Taasisi ya Teknolojia ya Karlsruhe (KIT) nchini Ujerumani. Katika miaka 10 iliyopita, amekuwa akifanya kazi katika miradi inayohusiana na rasilimali maji.

Kichwa cha utafiti wa hivi punde zaidi ni Matumizi ya Maji Zaidi ya Mara Moja na Upatikanaji wa Maji: Mtazamo Mpya wa Kusimamia Rasilimali Maji, uliozingatia dhana za Usalama wa Maji na Uchumi Duara zinazotumika katika fani hii. Pia yeye ni mwanzilishi wa Deságue, ambayo ni podkasti ya nchi ya Brazil inayozungumzia mahusiano ya sayansi ya maji, siasa na jamii.

Gavin Van Tonder
Mkuu wa Sekta ya Maji katika NEOM

Gavin van Tonder

Gavin huzungumza waziwazi na ni muweka mikakati ya muda mrefu. Anajitolea kuhakikisha ufanisi wa kampuni, mradi, au ndoto. Ni mtetezi mkuu wa Mkakati wa Bahari la Bluu na miundo ya maendeleo ya kuleta mwamko mpya. Amejitolea kikamilifu kwa maendeleo Dumishi katika sekta ya Maji, na kuboresha mazingira akizingatia maji na maji taka, wala siyo kuyalinda mazingira.

Kuangaziwa kwa hivi karibuni kwa kuchakatwa kikamilifu kwa maji ya maziwa, ikijumuisha kuondolewa kwa chumvi kwa hali ya juu pamoja na kuzalishwa kwa madini na kemikali (ZLD). Gavin amebuni Mkakati wa Kuanzisha Miji Janja Mipya kwa mtazamo wa Miji huku ukitilia maanani shughuli zote za Mashirika ya Maji.

Muhtasari wa mfumo

Kijenzi cha mfumo
Tazama habari za kina kuhusu kila kipengele cha mfumo: mifereji, miungano, matangi, vali, hifadhi na pampu.
Boresha mfumo wako hata kama tayari umepakia faili za GIS. Chora vipengele vipya, badilisha sifa za vipengele, ongeza faili mpya au utafute kiolezo kipya cha mji.
Data yako huhifadhiwa salama kwenye mfumo na kuunganishwa kwa wasifu wako kwa njia salama. Maelezo ya mfumo yanaweza kushirikiwa na watumiaji wengi.

Hatua ya 1

Kijenzi cha Mfumo

Ikiwa hauna za Kijiografia (GIS) Mfumo wa Habari au hauna data zingine, Qatium itakuruhusu kubuni mfumo wako kutoka mwanzo, kwa kuchora vipengele vyako vya mfumo au kwa kutumia violezo vya mifumo vilivyoandaliwa awali.

Hatua ya 2

Faili ya GIS

Mfumo wetu utakupa mchakato rahisi wa kupakia Mfumo wa Habari za Kijiografia (GIS) na kutambua kila kipengele kwenye mfumo wako, na kuambatana na mabadiliko ya kiotomatiki ya kitopolojia, muundo wa haidroliki na mengine zaidi!

Tafuta kipengele cha mfumo ambacho kinalingana na faili yako kwa karibu zaidi. Qatium hukuonyesha vipengele unavyoweza kutumia: vya wakati ufaao au vinavyofuata safu.
Ikiwa huna faili ya GIS iliyo tayari kupakiwa, Qatium inaweza kukupa machaguo mengine mawili: “violezo vya mji” au “chora mfumo wewe mwenyewe”.
Ufikivu wa moja kwa moja hadi kwa mfumo wako huonyesha kiwango cha mipangilio kinachotumika. Unaweza kutoa maoni kwenye mfumo unaotumia kila siku, na unaweza kuyashiriki.
Muundo wa haidroliki
Utakuwa na sehemu maalum ya kuweka mipangilio ya mfumo ambayo itakupa zana za kupunguza tofauti ya data halisi na data bandia kwa mikono, na pia unaweza kuchagua kwamba Qatium ifanye hivyo kiotomatiki.
Qatium hukupa habari za moja kwa moja kuhusu kiwango cha usahihi wa muundo wako wa haidroliki, ukiwa popote ulimwenguni. Pia unaweza kutazama usahihi wa muundo huo ulioashiriwa kwa kila kipimo kwa kando.
Ikiwa viwango bandia vya muundo wako havikaribiani na data halisi, unaweza kuamua kama utabadilisha mipangilio ya mfumo wako kwa mikono au utatumia kisaidizi cha Qatium kutekeleza jukumu hilo.
Viwango tofauti vya mkwaruzo wa mifereji vilivyotolewa kiotomatiki kwa mifereji ya mfumo wa Qatium vitaashiria vikundi vingi kwenye ramani. Unaweza kubadilisha viwango vya mkwaruzo vya kila kikundi na kutazama jinsi muundo unabadilika kulingana na mabadiliko uliyofanya.
Kila kihisi au mita iliyo kwenye mfumo hukupa habari kuhusu RMS au tofauti kati ya data halisi na data bandia. Unaweza kulinganisha mipindo hiyo miwili ili kufahamu kiwango kamili cha tofauti katika kila sehemu.

Hatua ya 3

Miundo inayotumia haidroliki

Huhitaji kuwa mtaalamu ili kutumia mfumo wa Qatium. Ikiwa hujui jinsi ya kukamilisha moja ya sehemu hizi, kisaidizi chetu cha mtandaoni ili kukuongoza kwenye mchakato huo, na kuweka mipangilio ya muundo kiotomatiki kwa niaba yako.

Hatua ya 4

Mitazamo

Utapata mtazamo bandia wa utendakazi wa mfumo wako wa awali, wakati uliopo na wakati ujao. Mfumo huo utalinganisha data halisi na data bandia.

Mitazamo
Linganisha mfumo wako wa msingi na hali zote ambazo huenda ukahitaji.
Soma mtiririko wa kila eneo katika mfumo wako ili kutambua mienendo yoyote isiyo ya kawaida.
Fahamu jinsi mitiririko ya mifereji yako imegawa na mitiririko hiyo inasimamia maili ngapi kwenye mfumo.
Tumia alama zenye machaguo ya kuchuja ili kupata vipengele unavyotaka kwa urahisi.
Vipindi vya wakati ni muhimu katika mfumo wetu. Songa kutoka wakati wa sasa hadi wakati wowote uliopita au wa siku zijazo ili kutazama utabiri wa muundo huo na tofauti katika viwango.
Chati ni visaidizi muhimu kwenye mfumo wetu. Unaweza kuzitazama kila wakati unapohitaji kukamilisha maelezo ya ramani au uzifiche ili kumakinika unapotafiti kipengele chochote cha mfumo.
Kifanya maamuzi
Unaweza kulinganisha mfumo wako wa msingi na hali yoyote unayobuni. Qatium hukupa chaguo la kubuni hali tofauti ili utazame jinsi muundo huo unavyofanya kazi wakati suluhisho fulani linatumiwa.
Qatium hukupa mfumo wa kusimamia arifa ili kukujulisha kuhusu utabiri wa muundo. Kwa kutambua matatizo mapema, utaweza kuzuia matatizo mengi.
Unaweza kutazama maelezo ya arifa zote, kutambua vipengele vilivyoangaziwa kwenye ramani ya mfumo na kutafiti masuluhisho tofauti ambayo Qatium inakupendekezea. Shiriki arifa zozote na timu yako pamoja na msimamizi wako.
Ikiwa utaamua kushuhudia na kutafiti masuluhisho ya Qatium, utakuwa na ufahamu mzuri kuhusu hatua yoyote inayoweza kuchukuliwa na hali inayolingana ya mfumo ambayo itasababishwa na hatua hiyo. Utaweza kulinganisha hali hizo tofauti kisha uamue ni suluhisho gani linalofaa zaidi kwa tatizo lililotambuliwa.

Hatua ya 5

Kifanya maamuzi

Qatium itakusaidia kufanya maamuzi bora zaidi kwa kukuonyesha hali. Mfumo wetu utaboresha usimamizi wa mfumo, na kukupa habari muhimu zinazohitajika ili kuweza kutabiri matatizo yanayoweza kutokea kwa ajili ya kuchukua hatua zinazofaa.

Ingia Kwenye Ulimwengu wa Qatium

Sikiza ujumbe wa Isaac Nowak kuhusu yatakayojiri siku zijazo na uwe mhamasishaji mkuu wa kuleta mabadiliko

Tembelea NoFutureWithoutWater.com

Tazama yanayosemwa na wataalamu wa maji kutuhusu

Qatium huwezesha mabadiliko ya kidijitali, ambayo ni muhimu sana katika sekta ya maji kwa kuwa yanaweza kubadilisha jinsi maji yanavyosimamiwa leo na kutimiza lengo la kupata usalama wa maji kwa kila mtu.

Hassan AboelngaNaibu Mwenyekiti wa Baraza la Maji la Mashariki ya Kati na Mtafiti

Sekta ya maji inapata mwamko mpya na msingi wa mabadiliko hayo ni kuletwa kwa mifumo ya kidijitali. Qatium inaweza kufanikisha mabadiliko haya huku ikileta uwazi na kukuza usawa katika ufikivu wa rasilimali.

Newsha AjamiMkurugenzi wa Sera ya Maji ya Miji katika Taasisi ya Stanford Woods ya Mazingira

Qatium hukupa mfumo wa kidijitali usiolipiwa na wenye vipengele vingi kwa usimamizi wa maji na maji taka; Nina uhakika utaleta mwamko mpya katika usimamizi wa huduma kote ulimwenguni.

Enrique CabreraNaibu wa Rais wa Shirika la Kimataifa la Maji Mhadhiri katika chuo kikuu cha Universitat Politècnica de València

Teknolojia ni muhimu sana katika usimamizi wa maji. Qatium hurahisisha ufikivu wa habari na kuwasaidia watu kusuluhisha matatizo yanayohusiana na mifumo ya usambazaji wa maji kwa kuifanya ya gharama ya chini na thabiti zaidi.

Pilar ConejosMkuu wa Usimamizi wa Mfumo wa Maji wa Global Omnium

Data inayoweza kutumika kuchukua hatua ni muhimu sana ili kupata mifumo ya maji ya kisasa, inayoweza kudumishwa na iliyo thabiti. Mfumo wa Qatium unatilia maanani masuala haya hasa.

Tom FreybergMwanzilishi na Mkurugenzi wa Atlantean Media

Qatium uses innovation and technology to provide water managers with the tools to optimize their water systems to meet the challenge of climate change.

Jeffrey KightlingerGeneral Manager at The Metropolitan Water District of Southern California

Kuelewa na kutoa data zinazohitajika ili kuhakikisha matumizi kamili ya rasilimali maji ni juhudi muhimu, hasa katika mataifa yasiyo thabiti na maeneo yenye migogoro. Nilijiunga na Qatium kwa sababu naamini kwamba jitihada hii inaweza kuleta mabadiliko ya kurekebisha hali hiyo.

David KilcullenRais na Ofisa Mtendaji Mkuu wa Cordillera Applications Group, Inc.

Qatium ina nia, uzoefu na fursa ya kuleta ufikivu wa habari kuhusu maji ili kufanikisha lengo hili.

William SarniMwanzilishi na Ofisa Mtendaji Mkuu wa Water Foundry

Lengo la Qatium ni kuleta ufikivu wa habari kuhusu usimamizi wa mifumo ya maji kwa kufanya mifumo kuwa ya kidijitali na kuhusisha wengine katika uvumbuzi, jambo ninaloamini ni muhimu sana.

Dragan SavicOfisa Mtendaji Mkuu wa Taasisi ya Utafiti wa Maji ya KWR. Profesa wa Utatuzi wa Masuala ya Maji Kupitia Teknolojia Habari kwenye Chuo Kikuu cha Exeter

Binadamu sharti waweza kupata maji. Ninaamini kuwa habari kuhusu rasilimali maji zinafaa kuweza kufikiwa na kila mtu na tunafaa kujenga mustakabali huu pamoja, na hii ndiyo sababu ninaunga Qatium mkono katika jitihada hii.

Elisa StefanMhandisi wa Mazingira na Mtafiti. Mtaalamu wa Usimamizi wa Rasilimali Maji

Utumizi kamilifu wa rasilimali katika uzalishaji na usimamizi wa jumla wa rasilimali ni changamoto kwa kila shirika la maji. Qatium itawezesha watu kufikia na kutazama kwa urahisi data na habari ambazo zitaboresha utendakazi wa Mashirika ya Maji kwa kiwango kikubwa.

Gavin Van TonderMkuu wa Sekta ya Maji katika NEOM

Ungependa kufahamu zaidi kuhusu mfumo wetu wa kidijitali wa usimamizi wa maji?

Upate mfumo mapema